Dua tiga hari ti udah tok ati endang berasai seilu-ilu..lelengau ngagai utai enda ulih dipeda mata, enda ulih dikayam pia ja. Nama meh daya, mina ulih ngenang aja meh. Lelengau ke pengerindu ti apin lenyau agai orang ti udah ninggal, lelengau ke pengerindu apai ti meruan disayau, lelengau agai utai ti enda ulih ditagang ati. Tang siti pengerindu ti majak nebak ati, pengerindu agai bala sebilik ti tinggal jauh di menua. Gerai ke enda sida, bakani meh enda pengerai sida..semua dikira magang.. asai ati ingin ja ka terebaai datai nyangkai ke menua, semadi diri empu bangat jauh.
Ati udah mutus, udah tok deka mulai kediri, netap diri di menua. Nadai agi utai dikira enggau dianti, mutus kediri mai ati ensiban, Ditu, di menua orang ukai penyangkai aku ti nyengala menyana. Ngelama tok udu ngaku diri empu tegal, tegal idup kediri, tang sekali udah rebah, endang enda alah agi angkat baka selama. Pait manis pengidup ditelan. Penguji ukai sekali dua, tang nimpa baka labuh ari tangga. Mina nanya diri empu aja, agi tegal ke enda baka selama. Cukup udah sekali dua, ngira diri empu aja sigi nadai guna, ka pen enda, baka tembuan pulai ke sarang meh..mi ati ti agi rawan...
No comments:
Post a Comment